راولپنڈی 398

آزاد کشمیر کا نوجوان راولپنڈی میں انتہائی بے دردی سے قتل

سکائی اردونیوز۔(راولپنڈی) دوستوں کے آپس میں اختلاف پر لرزہ خیز قتل راولپنڈی چار نمبر چونگی تھانہ گنج منڈی میں کلس پجے آزاد کشمیر سے تعلق رکھنے والا ایک نوجوان قتل دوسرا شدید زخمی حالت میں سول ہسپتال راولپنڈی تشویش ناک حالت میں زیر علاج ہے ۔

تفصیلات کے مطابق آذاد کشمیر ضلع باغ تحصیل دھیرکوٹ کے نواحی گاؤں لوئر کلس سے تعلق رکھنے والے بابر گلزار ستی اور اشتیاق گلزار ستی جو روزگار کے سلسلے میں راولپنڈی میں گذشتہ چند سالوں سے چکن کی دکانوں میں گاڑیوں میں چکن سپلائی کرتے تھے دو دن پہلے اپنے ہی دوستوں کیساتھ معمولی سے مسئلے پر تلخ کلامی ہوئی اور آج صبح نو بجے کے قریب جب دونوں بھائی رات کی ڈیوٹی کر کے آرام کی غرض سے اپنی رہائش گاہ پہنچے تو ساہلیاں دھیرکوٹ آزاد کشمیر سے تعلق رکھنے والے تاثر اور منیب نامی مبینہ قاتلوں نے موقع کو غنیمت جان کر پہلے انکی آنکھوں میں مرچیں پھینکیں اور پھرچھریوں کے بے دردی سے وار کیے جس کی تاب نہ لاتے ہوئے بابر گلزار ستی موقع پر ہی جانبحق ہو گئے ۔

اور اسکے بھا اشتیاق گلزار ستی اس وقت تشویش ناک حالت میں سول ہسپتال سے ہولی فیملی ہسپتال منتقل کر دئیے گئے۔ بابر گلزار ستی کی ڈیڈ باڈی پوسٹ مارٹم رپورٹ کے بعد آبائی گاؤں بھیج دی جائے گی۔ دونوں مبینہ قاتل واردات کے بعد روپوش ہو گئے ہیں۔ جبکہ قتل کے سنگین دفعات کیساتھFIR گنج منڈی تھانہ میں درج کروا دی گئی ہے ۔ جب کہ دوسری طرف قتل ہونے والے نوجوان کے لواحقین نے احتجاج کرتے ہوئے کہا کہ مجرموں کو فوراً گرفتار کر کے عبرت کا نشان بنا جائے

اس خبر پر اپنی رائے کا اظہار کریں

اپنا تبصرہ بھیجیں